पिंपरी, (हिंदवी न्यूज) – छत्रपती प्रतिष्ठान व युवा मित्र मंडळाच्या वतीने दरवर्षीप्रमाणे यंदाही छत्रपती शिवाजी महाराज यांच्या जयंतीनिमित्त छत्रपती शिवाजी महाराज चौक, जाधववाडी येथे रक्तदान शिबीराचे आयोजन करण्यात आले होते. शिबीरात एकूण ६३ रक्तदात्यांनी रक्तदान केले. यावेळी रक्तदात्यांचा प्रमाणपत्र, महाराजांची प्रतिमा देऊन सन्मान करण्यात आला.
जनसेवा बल्ड बँकेच्या सहकार्याने या शिबिराचे आयोजन करण्यात आले होते. शिबिरास शिवभक्तांचा उस्फूर्त प्रतिसाद लाभला. यावेळी पिंपरी चिंचवड महापालिका विधी समिती सभापती सुजाता बोराटे, सामाजिक कार्यकर्ते राजू भुजबळ, छावा वाहन चालक-मालक कामगार संघाचे उपाध्यक्ष लक्ष्मण शेलार, कार्याध्यक्ष हिरामण गवारी, सहसचिव रवींद्र लंके आदी उपस्थित होते. मंडळाचे कार्यकर्ते विनायक ढोबळे, निलेश गायकवाड, रमेश निकम, ऋषिकेश बाबर, अजित क्षीरसागर, विशाल रामगुडे, तुकाराम माळी, जोस्त्ना ढोबळे, स्नेहा बाबर, कोमल भोगील, रेश्मा भोगील यांनी कार्यक्रमाचे संयोजन केले.
