पिंपरी, (हिंदवी न्यूज ) – छत्रपती प्रतिष्ठान व युवा मित्र मंडळाच्या वतीने जाधववाडी येथे छत्रपती शिवाजी महाराज यांची ३९६ वी जयंती उत्साहात साजरी करण्यात आली. किल्ले शिवनेरी ते जाधववाडी येथे शिवज्योत आणून छत्रपती शिवाजी महाराजांच्या पालखीची मिरवणूक काढण्यात आली. मिरवणुकीत लहान मुलांनी छत्रपती शिवाजी महाराज, राजमाता जिजाऊ व मावळे यांची वेशभूषा परिधान करुन उत्स्फूर्त सहभाग नोंदवला.
सकाळी जाधववाडी सीएनजी पंप, मातोश्री कमान, आहेरवाडी चौक, मधला पेठा रोड ते साई पॅलेसमार्गे ही मिरवणूक काढण्यात आली. परिसरातील महीलांसह नागरिकांनी शिवज्योत व पालखीचे स्वागत केले. फटाक्यांची आतिषबाजी व ढोल ताशाच्या गजरात मिरवणूक काढण्यात आली. जय भवानी, जय शिवाजीच्या जयघोषाने परिसर दुमदुमून गेला होता.
यावेळी पिंपरी चिंचवड शहराचे माजी महापौर व नगरसेवक राहुल जाधव, नगरसेविका सारिका बोह्राडे, युवा नेते नितीन बोह्राडे, सामाजिक कार्यकर्ते निलेश बोराटे, ॲड.विशाल जाधव, जाणता राजा प्रतिष्ठान अध्यक्ष अजिंक्य आहेर आदी मान्यवरांनी महाराजांचे दर्शन घेउन प्रतिमापूजन केले. सर्व शिवभक्तांसाठी महाप्रसादाचे आयोजन करण्यात आले होते. परीसरातील नागरीकांनी मोठ्या संख्येने महाप्रसादाचा लाभ घेतला. छत्रपती शिवाजी महाराजांचा पाळणा, आरती व शिववंदना घेऊन मिरवणूकीची सांगता करण्यात आली.
यावेळी मंडळाचे विनायक ढोबळे, रमेश निकम, सचिन भोगिल, गणेश पांडे, ऋषिकेश बाबर, निलेश गायकवाड, मनीष घडशी, विशाल रामगुडे, गंगाधर डांगे, तुकाराम माळी, अजित भोगील,रोहित निकम, उमेश खाडे, कविता निकम, ज्योत्स्ना ढोबळे , स्वाती यंगड, पायल डुकरे, कोमल भोगिल, स्नेहा बाबर, मनिषा कोकाटे, छाया बर्दापुरे, कविता नायर,अर्चना शिंदे आदींनी कार्यक्रमाचे सयोजन केले.
