हिंदवी न्यूज | देवळाली कॅम्प
देवळाली कॅन्टोन्मेंट बोर्डाच्या वतीने शिंगवे बहुला नागरी प्राथमिक आरोग्य केंद्रामार्फत राष्ट्रीय पल्स पोलिओ मोहिम राबविण्यात आली.या देवळाली परिसरातील २३ केंद्रांवर सुमारे ५,५०० बालकांना पोलिओचे डोस देण्यात आले.
प्रभाग क्रमांक चारमधील बालगृह रोडवरील उद्यानात आयोजित पोलिओ मोहिमेचे उद्घाटन बोर्डाचे नामनिर्देशित सदस्य सचिन ठाकरे यांच्या हस्ते करण्यात आले. यावेळी नाशिकरोड बार असोसिएशनचे अध्यक्ष अॅड. सुदाम गायकवाड, डॉ. अश्विनी राठोड, नीलप्रभा देशमुख, गायत्री गोडसे, रोशन गजरे तसेच बोर्डाचे माजी उपाध्यक्ष बळवंत गोडसे आदी उपस्थित होते.
कॅन्टोन्मेंट हॉस्पिटलच्या सुप्रिटेंडेंट डॉ. मनीषा होनराव, डॉ. नरेश दौलत, डॉ. शाहू पाटील, डॉ. बावस्कर यांच्यासह नागरी प्राथमिक आरोग्य केंद्राच्या डॉ. जयश्री पाटील यांच्या मार्गदर्शनाखाली शहरातील सर्व प्रभागात 23 ठिकाणी विविध डॉक्टर व 65 कर्मचाऱ्यांच्या पथकांच्या सहकार्याने ही मोहीम राबविण्यात आली.
