हिंदवी न्यूज | पिंपरी
महिलांनी स्वतःमधील दुर्गाशक्ती ओळखून स्वतःच्या क्षमतेवर विश्वास ठेवावा, स्वावलंबी बनावे आणि जीवनात प्रगती साधावी, असा प्रेरणादायी संदेश सौ उमाताई गिरीश खापरे (आमदार, विधान परिषद महाराष्ट्र) यांनी महिलांना दिला.
प्रत्येक महिलेच्या अंगी एक वेगळी शक्ती, क्षमता आणि कर्तृत्व दडलेले असते. महिलांनी स्वतःमधील ही शक्ती ओळखून आत्मविश्वासाने पुढे यावे. केवळ स्वतःची प्रगती करण्यापुरते मर्यादित न राहता इतर महिलांनाही पुढे जाण्यासाठी प्रोत्साहन द्यावे, असे आवाहन त्यांनी यावेळी केले.
महिलांनी शिक्षण, रोजगार, व्यवसाय तसेच सामाजिक क्षेत्रात सक्रिय सहभाग घ्यावा. स्वतःच्या पायावर उभे राहून आर्थिकदृष्ट्या स्वावलंबी व्हावे आणि आपल्या कर्तृत्वाच्या जोरावर समाजात स्वतःचे स्थान निर्माण करावे. महिलांनी सक्षम होणे ही काळाची गरज असून, आत्मविश्वास आणि जिद्दीच्या बळावर त्या प्रत्येक क्षेत्रात प्रगती करू शकतात, असा विश्वासही त्यांनी व्यक्त केला.
महिलांनी स्वतःला ओळखावे, स्वतःमधील दुर्गाशक्ती जागृत करावी, सक्षम व स्वावलंबी बनून प्रगती साधावी आणि इतर महिलांनाही सक्षम करण्यासाठी पुढाकार घ्यावा, हा संदेश सौ उमाताई खापरे यांनी यावेळी दिला.
