Author: Hindavinewsnetwork@gmail.com

घर खरेदीपूर्वी परवानग्या तपासा. अनधिकृत बांधकामांपासून आर्थिक नुकसान टाळण्यासाठी महापालिकेचे नागरिकांना आवाहन पिंपरी, (हिंदवी न्यूज)- पिंपरी चिंचवड महानगरपालिकेच्या ‘फ’ क्षेत्रीय कार्यालयाच्या कार्यक्षेत्रात निगडी येथील रुपीनगर मेन रोड, तळवडे येथील गजानन हौसिंग सोसायटी परिसरात सुरू असलेल्या चार आर.सी.सी. स्वरूपातील अनधिकृत बांधकामांवर बांधकाम अनधिकृत असल्याबाबतचे नोटीस बोर्ड लावण्यात आले असल्याची माहिती फ क्षेत्रीय अधिकारी अतुल पाटील यांनी दिली आहे. ही बांधकामे महापालिकेच्या बांधकाम नियमावली व विकास नियंत्रण नियमांचे उल्लंघन करून रेड झोन मध्ये उभारली जात असल्याचे निदर्शनास आले आहे. या पार्श्वभूमीवर संबंधित बांधकाम धारकांना नोटीस बजावण्यात आली असून या बांधकामांवर लवकरच निष्कासनाची कार्यवाही प्रस्तावित असून, नियमानुसार आवश्यक प्रशासकीय प्रक्रिया पूर्ण करून संबंधित…

पिंपरी, (हिंदवी न्यूज)- उघड्यावर जैववैद्यकीय कचरा टाकून पर्यावरण आणि सार्वजनिक आरोग्याला धोका निर्माण केल्याप्रकरणी पिंपरी चिंचवड महापालिकेच्या ‘क’ क्षेत्रीय कार्यालयाने संबंधितांवर कठोर कारवाई करत ३५ हजार रुपयांचा दंड वसूल केला. “क” क्षेत्रीय कार्यालयांतर्गत प्रभाग क्रमांक २ मधील सेक्टर १३, चिखली येथे उघड्यावर जैववैद्यकीय कचरा टाकण्यात आल्याचे निदर्शनास आल्यानंतर ही कारवाई करण्यात आली. जैववैद्यकीय कचऱ्याची अयोग्य विल्हेवाट पर्यावरण प्रदूषणास कारणीभूत ठरत असून नागरिकांच्या आरोग्यालाही गंभीर धोका निर्माण करू शकते. या पार्श्वभूमीवर महापालिकेने तातडीने कारवाई करत संबंधितांवर दंडात्मक कारवाई केली. महापालिका आयुक्त डॉ. विजय सूर्यवंशी, अतिरिक्त आयुक्त कुलदीप जंगम यांच्या निर्देशानुसार आणि उप आयुक्त डॉ. प्रदीप ठेंगल,सहायक आयुक्त किरणकुमार मोरे तसेच…

५०० हून अधिक कचरा वेचकांनी घेतला सहभाग पिंपरी, (हिंदवी न्यूज)- पिंपरी चिंचवड महापालिकेच्या सहकार्याने राष्ट्रीय सफाई कर्मचारी वित्त व विकास महामंडळ (एनएसकेएफडीसी) अंतर्गत शहरातील कचरा वेचकांसाठी कौशल्य विकास व सुरक्षा प्रशिक्षण आयोजित करण्यात आले असून आतापर्यंत ५०० हून अधिक कचरा वेचकांनी सहभाग नोंदविला आहे. एनएसकेएफडीसी यांच्या माध्यमातून राबविण्यात येत असलेल्या या प्रशिक्षणामध्ये व्यावसायिक आरोग्य व सुरक्षा, वैयक्तिक सुरक्षा साधनांचा (पीपीई) वापर, प्रथमोपचार, आर्थिक साक्षरता, महिला सुरक्षा, व्यसनमुक्ती तसेच विविध शासकीय योजनांची माहिती दिली जात आहे. लाभार्थ्यांना ई-श्रम कार्ड, आयुष्मान भारत योजना, स्वयंसहाय्यता गटांची स्थापना आणि आधुनिक कचरा संकलन वाहनांसाठी उपलब्ध अनुदान योजनांबाबतही मार्गदर्शन करण्यात येत आहे. केंद्र शासनाच्या ‘नमस्ते’ योजनेच्या…

पिंपरी, (हिंदवी न्यूज)- पिंपरी चिंचवड महापालिकेच्या वतीने माजी महापौर दिवंगत भिकू वाघेरे पाटील यांच्या पुण्यतिथीनिमित्त त्यांना अभिवादन करण्यात आले.  पिंपरी वाघेरे येथील भिकू वाघेरे पाटील यांच्या पूर्णाकृती पुतळ्यास महापौर रवि लांडगे यांनी पुष्पहार अर्पण करून अभिवादन केले. यावेळी आमदार अमित गोरखे, उपमहापौर शर्मिला बाबर, माजी महापौर संजोग वाघेरे, स्थायी समिती सभापती अभिषेक बारणे, विरोधी पक्षनेते भाऊसाहेब भोईर,नगरसदस्य विठ्ठल उर्फ नाना काटे, माजी नगरसदस्य प्रभाकर वाघेरे, दत्तात्रय वाघेरे, उषा वाघेरे, उप आयुक्त अण्णा बोदडे, जनता संपर्क अधिकारी प्रफुल्ल पुराणिक तसेच विविध सामाजिक संघटनांचे पदाधिकारी व कार्यकर्ते उपस्थित होते.

 घनकचरा व्यवस्थापनाच्या प्रभावी अंमलबजावणीसाठी महापालिकेची विशेष कार्यशाळा पिंपरी, (हिंदवी न्यूज) – केंद्र शासनाने अधिसूचित केलेल्या घनकचरा व्यवस्थापन नियम २०२६ च्या प्रभावी अंमलबजावणीसाठी पिंपरी चिंचवड महानगरपालिकेच्या आरोग्य विभागातर्फे ग. दि. माडगूळकर नाट्यगृहात विशेष कार्यशाळेचे आयोजन करण्यात आले होते. महापालिका आयुक्त डॉ. विजय सूर्यवंशी यांच्या अध्यक्षतेखाली झालेल्या या कार्यशाळेस अतिरिक्त आयुक्त कुलदीप जंगम यांच्यासह अन्य महापालिका अधिकारी व कर्मचारी मोठ्या संख्येने उपस्थित होते. पर्यावरण, वने व हवामान बदल मंत्रालयाने अधिसूचना क्र. एस.ओ. ३८८ (अ) द्वारे घनकचरा व्यवस्थापन नियम २०२६ जाहीर केले असून १ एप्रिल २०२६ पासून त्यांची अंमलबजावणी सुरू झाली आहे. तसेच सर्वोच्च न्यायालयानेही घनकचरा व्यवस्थापन नियमांची काटेकोर अंमलबजावणी करण्याचे निर्देश दिले…

पिंपरी, (हिंदवी न्यूज)– पिंपरी चिंचवड महानगरपालिकेच्या ह क्षेत्रीय कार्यालय अंतर्गत जुनी सांगवी प्रभाग क्र. ३२ मध्ये अनधिकृत बांधकामांविरोधात निष्कासन कारवाई करण्यात आली. या  कारवाईमध्ये मधुबन नगर व ममता नगर परिसरातील अंदाजे ४८० चौरस मीटर क्षेत्रफळाचे २ आर.सी.सी. अनधिकृत बांधकामे जमीनदोस्त करण्यात आली. ही कारवाई आयुक्त डॉ. विजय सूर्यवंशी यांच्या आदेशान्वये तसेच अतिरिक्त आयुक्त तृप्ती सांडभोर यांच्या मार्गदर्शनाखाली तसेच ह क्षेत्रीय अधिकारी पूजा दुधनाळे यांच्या अधिपत्याखाली ही मोहीम राबविण्यात आली. कारवाईदरम्यान उप अभियंता प्रताप मोरे, कनिष्ठ अभियंता जयवंत रोकडे तसेच महानगरपालिका धडक कारवाई पथकातील बीट निरीक्षक शाबोद्दिन बागवान, प्रफुल्ल भोकरे व सुरज माने यांनी प्रत्यक्ष सहभाग नोंदविला. या मोहिमेस महाराष्ट्र…

पिंपरी, (हिंदवी न्यूज )– जागतिक मल्टिपल स्क्लेरोसिस जनजागृती दिन” निमित्त पिंपरी चिंचवड महानगरपालिका दिव्यांग भवन फाऊंडेशन आणि मल्टिपल स्क्लेरोसिस सोसायटी ऑफ इंडिया (एमएसएसआय), पुणे विभाग यांच्या संयुक्त विद्यमाने दिव्यांग भवन फाऊंडेशन येथे जनजागृती कार्यक्रमाचे आयोजन करण्यात आले होते. महानगरपालिका आयुक्त डॉ. विजय सूर्यवंशी, अतिरिक्त आयुक्त तृप्ती सांडभोर, उप आयुक्त ममता शिंदे व दिव्यांग भवनच्या सहाय्यक आयुक्त निवेदिता घार्गे यांच्या मार्गदर्शनाखाली या कार्यक्रमाद्वारे मल्टिपल स्क्लेरोसिस (एमएस) या आजाराबाबत जनजागृती निर्माण करण्याबरोबरच रुग्ण आणि त्यांच्या कुटुंबीयांना आवश्यक मार्गदर्शन व आधार देण्याचा प्रयत्न करण्यात आला. कार्यक्रमाची सुरुवात दीपप्रज्वलनाने करण्यात आली. यानंतर जागतिक मल्टिपल स्क्लेरोसिस दिनाचे महत्त्व आणि या आजाराविषयी समाजात जनजागृती निर्माण करण्याची…

 नागरिकांनी नियम पाळण्याचे आयुक्तांचे आवाहन पिंपरी, (हिंदवी न्यूज) – पिंपरी चिंचवड महानगरपालिकेच्या झोपडपट्टी पुनर्वसन विभागाच्या वतीने ‘ह’ क्षेत्रीय कार्यालयाच्या सहकार्याने संजयनगर, फुगेवाडी येथील झोपडपट्टीतील विनापरवाना झोपडीवर निष्कासनाची कारवाई करण्यात आली. या संयुक्त कारवाईमध्ये सुमारे ८७५ चौरस फूट क्षेत्रफळावरील अनधिकृत झोपडीचे बांधकाम निष्कासित करण्यात आले. आयुक्त डॉ. विजय सूर्यवंशी यांच्या निर्देशानुसार तसेच अतिरिक्त आयुक्त तृप्ती सांडभोर यांच्या मार्गदर्शनाखाली, उप आयुक्त अण्णा बोदडे व कार्यकारी अभियंता राजेंद्र शिंदे यांच्या नेतृत्वाखाली ही कारवाई राबविण्यात आली. कारवाईदरम्यान कार्यकारी अभियंता उमेश मोने, उपअभियंता संदिप पाडवी, महेंद्र देवरे, प्रशांत कोतकर, सुनिल दांगडे, सुनिल हरिदास तसेच कनिष्ठ अभियंते सतीश डांगे, अशोक पाटील, वनिता बवले, योगेश शेवलकर, विशाल…

२ लाख ४९ हजार नागरिकांनी घेतला १० टक्के सवलतीचा लाभ पिंपरी, (हिंदवी न्यूज) –  महानगरपालिकेच्या कर आकारणी व कर संकलन विभागामार्फत चालू आर्थिक वर्ष (२०२६-२७) मध्ये मालमत्ता कर संकलन मोहिमेला नागरिकांकडून उत्स्फूर्त प्रतिसाद मिळत असून, दि. १ एप्रिल २०२६ ते ४ जून २०२६ या कालावधीत २८९ कोटी रुपयांहून अधिक मालमत्ता कर संकलित करण्यात आला आहे. यामुळे यंदाच्या आर्थिक वर्षातील कर संकलन मोहिमेला सकारात्मक सुरुवात झाल्याचे दिसून येत आहे. आतापर्यंत शहरातील २ लाख ७८ हजार १७ अधिक मिळकतधारकांनी आपल्या मालमत्तेचा कर भरला आहे, अशी माहिती कर आकारणी व कर संकलन विभागाचे उपायुक्त सचिन पवार यांनी दिली. महापालिकेकडून मालमत्ता कर भरणाऱ्या नागरिकांसाठी…

पिंपरी, (हिंदवी न्यूज)- जागतिक पर्यावरण दिनानिमित्त महाराष्ट्र कामगार कल्याण मंडळाच्या  वतीने उद्योग नगर केंद्राच्या मैदानात वृक्षारोपण  करण्यात आले. यावेळी प्रमुख पाहुणे गीता भांदुर्गे (अप्पर  सचिव पर्यावरण विभाग मंत्रालय मुंबई), सिकंदर घोडके (टीम लीडर इ सी ए), शारदा मुंडे (समाजप्रबोधनकार )तसेच कार्यक्रमाचे अध्यक्ष मा.अरुण पवार (वृक्ष मित्र पुरस्कार विजेते महाराष्ट्र शासन) यांच्या उपस्थितीत जांभूळ, चिंच, साग, आंबा, कडूनिंब अशा विविध रोपांचे वृक्षारोपण करण्यात आले.  यावेळी सामूहिकपणे पर्यावरण संवर्धनासाठी प्रतिज्ञा घेण्यात आली, कार्यक्रमाला कामगार भूषण मोहन गायकवाड, गुणवंत कामगार अण्णा जोगदंड, वसंत भांदुर्गे, मोहम्मद शरीफ मुलानी, स्वानंद राजपाठक, राजेश हजारे, शिवराज शिंदे, सूर्यकांत बरसावडे, तानाजी एकोंडे, बाळासाहेब साळुंखे, सुभाष चव्हाण, भरत शिंदे,…